• swimates

【婦女節專題】她和她的游泳故事

已更新:2021年10月23日

今個月特別為大家呈上她和她的游泳故事,先由雙生兒兼女游團教練的 Yuen 及 Ching 為大家道出她們與游泳之間的微妙關係。




Yuen 和 Ching 在五歲那年因為天生鼻膜薄和鼻敏感,加上爸媽得知游水對身體好,所以著她們兩姐妹一起學游水。這樣一游就由小一游到中五,跟很多學生運動員一樣,為了應付會考所以暫停訓練,後來更因為要離港讀書而停止訓練,但是她們並沒有因此遠離游泳這項運動,而是始於游泳,游得更遠。

兩姐妹回想關於游水的一些趣事,就是當年的中學水運會,餅印一樣的孖妹穿好泳衣和泳帽,肉眼的確很難分辨誰是姐姐和妹妹,所以裁判很自然將她們調亂,原本妹妹先衝線最後卻變了姐姐拎冠軍,「當時以為裁判只係睇錯咗大家衝線嗰刻,點知係連游嘅線道都調亂埋,由頭錯到尾!」由一起學游水、訓練到參加比賽,她們的目標也是一致,就是想攞一次個人比賽冠軍!結果因為只得她們報名學校水運會,所以就係咁攞咗人生第一個總冠軍!

泳池以外,Yuen 和 Ching 也有共同興趣 — 潛水,只因她們喜歡奇妙的水底世界,而潛水是需要萬全的安全措施,所以有以兩人一組的最小單位結伴同潛的制度,方便互相協助,一次難忘的玩水經歷,也足以令她們記一輩子,Ching:「有次夜潛宛宛因為途中甩咗塊鉛好快升上水面,但我就好冷靜繼續潛。之後宛宛話喺水面又黑又涼等咗我好耐都唔搵佢!聽到佢咁講,即使到依家都仲好內疚,以後去到邊都會搵到你!」Yuen 對於同一次夜潛也感受甚深:「當時我慢慢咁升上水面,青一直拉住我條鉛帶,但我哋距離大隊愈嚟愈遠,而佢想追去揾教練幫手於是放開手。我喺高處望住青,好似慢慢沉落去又深又黑嘅地方。上水面後我不斷諗佢會唔會因為搵教練而蕩失路?定係佢會升返上嚟搵我?爭扎咗一陣決定上船等咗好漫長嘅五分鐘,亦好後悔無繼續喺水面等,因為我可以一直開住個電筒照住個海,萬一真係失散咗都有光可尋。」

認識兩位孖妹多年,除咗去到邊都會一齊,感情好到會拖手行街,問到她們其實喜歡獨自暢泳,定係點都會約埋對方一齊游水多啲?「點都係鍾意一齊游水,無咁悶嘛!又可以互相鼓勵對方!」由一起考潛水牌,去馬爾代夫旅行渡假兼潛水,亦會不時出海玩水上運動,她們絕對是無水不歡的好姐妹!
11 次查看0 則留言