常見問題

frequently asked questions

學幾多堂先學得識游水 ?​​

要視乎你自身能力。每人能力不同,學識既定義都唔一樣。係未見到新團員們個人能力既情況下 未能憑空預計你地幾多堂可學識。 

教練們會因應每位團員既能力去安排合適既教學內容,​團員們亦可上堂跟教練討論及了解個人情況。係課堂上教練們必定用心教學,但留意於課堂以外時段,亦需要配合個人練習,所以心急想盡快學識既初學團員們,就要勤加練習喇 🌝✨

初學人士建議同朋友仔係淺水區進行練習,安全至上!

黎M有無得請假 ?「經期可否游水」? 有咩方法解決 ?

我地係Swimates Page 分享過教練團隊均選用既解決方法,想了解更多亦可以主動聯繫我地:

⭐https://www.facebook.com/swimates/posts/1530084837023038

https://www.facebook.com/swimates/posts/1693816627316524

如團員們想避免即日請假或請假多於所選課程指定次數、同時又未想嘗試以上解決方法而照計一堂。教練團建議各位自行預計經期時間 🤗🙏🏼

​主要教授自由式及蛙式。每人情況都唔一樣,教練會因應團員既能力和表現去安排教學內容。如團員原本已識游其中一項泳式,教練都會幫忙改善姿勢。團員如有指定想學泳式,亦可主動同教練溝通​。

恆常班會學咩泳式 ?

教練係咪女教練 ?是否有經驗 ?

SWIMATES 女游團係由女教練們成立,由女性教練教授及主理

​擔心跟唔到其他團員既進度 ?

不用擔心,因為每人能力唔同,每位團員既程度都會唔同。

​上面有提及「教練們會因應每位團員既能力去安排合適既教學內容」,所以有機會同班團員既練習會唔相同。

大家盡力做好教練安排既練習就可以了;D

​上堂必須要帶浮板嗎 ?就算我識飄浮,識游少少的話無浮板可否上堂 ?

​浮板需要自備。有帶有得用 ;D

有帶浮板既話,教練可安排合適練習去幫忙團員們(如改善呼吸、調整節奏等)​。唔帶浮板當然可上堂,但有可能影響教練所安排既課堂練習效果,以及影響學習游泳既進度。浮板係輔助物。等於初學踩單車會用輔助轆,無輔助轆都一樣可以學踩單車。

​P.S. 全包團必須自備浮板。

即日請假,無得補堂?

視乎各團員所選泳班課程,已包括指定請假次數。團員可因應個人情況而安排請假日期。

 

本團承諾小班教學,嚴謹控制每一堂上課人數及教練安排。團員如因個人理由即日請假、請假多於所選課程指定次數。該課堂都須在已預留閣下上堂名額之情況下 照樣進行。

​為了對每位團員公平起見而設定合理的請假規定,因此上堂當日請假,該課堂缺席會當作放棄課堂論,將不會個別安排額外補堂。如有不便,敬希理解🙇‍♀🙇‍♀

​恆常班 9 堂一期課程病假申請,請於「課堂須知」網頁內了解詳情。

如以上情境未能解決你既疑問,請直接 https://wa.me/85252386227 向行政助理查詢。

Email : info@swimates.com | Enquiry : 5238 6227 (whatsapp) | 95279272 (Shop)

© 2015 All rights reserved by Swimates Limited Company